Professional Documents
Culture Documents
Голема сипаница
Голема сипаница
Variola vera
Големата сипаница е вирусно,заразно заболување
кое се манифестира со треска, температура, исип и
симптоми на тешка интоксикација.
Историјат - Последната епидемија на вариола вера
во светот избувна токму на просторот на бивша
Југославија, во март 1972 год. Болеста однела околу
40 жртви, а заразени биле помеѓу 200 и 300 луѓе.
Етиологија и епидемиологија: Poxvirus variolae,
вирус кој ѓи напаѓа луѓето. Вирусот кај болниот се
наоѓа во исипните единици. Извор на зараза се
заболени луѓе, болеста се пренесува по аеро -
капков пат и преку директен контакт. Лицето е
заразно за време на целата клиничка
манифестација се до отпаѓање на последната
краста.
Клиничка слика - Инкубацијата трае 10 до 14 дена.
I. Класична форма се манифестира во три
стадиуми :
1. Продромален стадиум- треска, висока т до 40
степени, адинамија, миалгии, кашлица,
безапетитие, вознемиреност и нарушена свест. Кај
некои болни се јавува т.н. Раш или предегзантем на
лицето, екстремитетите или пределот кај
гаќичките.
Исипен стадиум – прво се појавуваат макули на
лигавиците на устата, носот, трахеата и
гениталиите кои преминуваат во улцерации. Потоа
се појавуват макули по целото тело кои брзо
преминуваат во папули- тие се цврсти, темно
црвени и кон 6 ден преминуваат во везикули-
исполнети со бистра течност. Околу 10 ден истите
загнојуваат и општата состојба на болниот нагло се
влошува. Некои пустули прскаат и мацерираат, а
други се сушат и преминуваат во красти.
Отпаѓањето на крастите трае околу 1 месец.
Целиот исип на одредено место е во
ист стадиум на развој
II Хеморагична форма или вариолна пурпура е
најтешка форма на болеста, се манифестира со
петехии по цела кожа уште познати како црни
сипаници.
III Малигна форма уште позната како сплескана
форма, се манифестира со исипни единици
исполнети со крв и крварења помеѓу исипните
единици.
Други форми: модифицирана форма, вариола без
сипаници, вариола минор или аластрим.
Терапија : карантинско изолирање на болните,
дезинфекција на алиштата и постелнината, нега на
болниот, диететски режим, симптоматска терапија
Превенција - со вакцинација – Џенерова вакцина
Интересни податоци – последната епидемија на оваа
болест ја носи Ибрахим Хоти, по враќање на Косово од
аџилак, во март 1972. Се спроведува итна агресивна
вакцинација, 1,8 милиони вакцинирани за 10 дена, а 18
милиони вакцинирани во наредните месеци. На 1 Мај
1972 год. епидемијата е прогласена за завршена. Во 1980
год. е прогласена ерадикација на Вариола вера на
светско ниво.