ARALING

PANLIPUNAN 10
Sir. Aldre Malupeng
PAMPROSESONG TANONG
• Bilang isang mag-aaral, ano para sa iyo
ang “Quality Education”?
• Masasabi ba ninyong may kalidad ang
edukasyon sa ating bansa?
• Ano ang hadlang sa pagsulong ng
kalidad ng edukasyon sa bansa?
 Lesson 2

“KALIDAD
NG
EDUKASYON”
Ikaapat na Markahan
 KALIDAD NG EDUKASYON

Ang kalidad ng edukasyon ng isang bansa ay

kalimitang nakabase sa kung gaano kaepektibo
ang pagkatuto ng mga mag-aaral dito.
MGA SULIRANIN PANG-
EDUKASYON SA
PILIPINAS
MGA SULIRANIN SA IMPRAESTRUKTURA

Ano ang Impraestruktura?

Ito ang tawag sa mga pisikal na estruktura na tumutugon sa pangangailangan ng
isang komunidad tulad ng kalsada, tulay, linya ng kuryente, at gusali.

“Ang pagpapatayo ng mga gusali at silid-aralan sa Pilipinas ay nasa ilalim ng

Kagawaran ng mga Pagawain at Lansangang Bayan (Department of Public
Works and Highways o DPWH). Ang DepEd naman ang responsable sa
pangangalaga at pagsasaayos ng mga impraestrukturang ito.”
MGA SULIRANIN SA IMPRAESTRUKTURA

• Ang gusali, kuwarto, at mga kagamitan sa paaralan ay mahahalagang

elemento na nakaiimpluwensiya sa pagiging epektibo ng pagkatuto ng mga
mag-aaral. Sa mga estrukturang ito nakasalalay ang proteksiyon ng mga
mag-aaral at ng kanilang guro habang nasa proseso ng pagkatuto.
• Sa silid-aralan naman nakasalalay kung komportable ang mga mag-aaral
habang sila ay nasa proseso ng pagkatuto.
• Ang mga gamit sa pag-aaral. Mahalagang kumpleto ang mga gamit sa pag-
aaral tulad ng mga libro, sulatan, at mga instrumento na kailangan sa pag-
aaral ng kompyuter, agham, matematika, at iba pa.
 MGA SULIRANIN SA
PAGTUTURO
1. Hindi angkop na kasanayan sa mga guro
• Sa ideal na sitwasyon ang isang guro ay magtuturo lamang ng
mga asignaturang saklaw ng kanyang tuon bilang eksperto, ngunit
dahil sa kakulangan ng pondo at pati na rin ng guro (na hindi na
sumasapat sa dami ng mga mag-aaral na kailangang maturuan),
may mga pagkakataon na napipilitan ang mga guro na magturo ng
asignaturang labas sa kanilang tuon.
 MGA SULIRANIN SA
PAGTUTURO
Tugon sa Suliranin
• Noong 2016, inilunsad ng DepEd ang programang Learning Action Cell
(LAC) na binubuo ng pangkat ng mga gurong nagtutulungan sa pamamagitan
ng mga learning session upang mapagtagumpayan ang mga hamon sa
kanilang kinakaharap sa pagtuturo sa ilalim ng itinalagang LAC Leader.
• Inilunsad din ang In-Service Training (INSET) kung saan nagsasagawa ang
Kagawaran ng seminar sa mga paaralan upang mas mapalawak at mapagbuti
pa ng mga guro ang kanilang mga kaalaman, kasanayan, at pamamaraan sa
pagtuturo.
 MGA SULIRANIN SA
PAGTUTURO
2. Propesiyang tumutupad sa sarili (self-fulfilling prophecy)
• Isa sa posibleng suliranin sa pagtuturo ay nakasalalay sa interaksiyon
ng guro at ng mga mag-aaral.
Ang self-fulfilling prophecy batay sa konsepto ng sosyo-sikolohikal ay ang
iniisip o ipinagpapalagay ng isang tao na maaaring mangyari sa hinaharap
ay nakaaapekto sa kanyang kilos at gawa sa kasalukuyan sa paraang
nagpapalaki ng tsansa na mangyari ang kanyang pinaniniwalaan, kahit na
ang lahat ng ito ay lingid sa kaniyang kaalaman.
 MGA SULIRANIN SA
PAGTUTURO
Isa nga sa uri ng self-fulfilling prophecy na nakita ng mga siyentista pagdating sa
pagtuturo ay ang tinatawag na Pygmalion Effect.

Ang Pygmalion Effect o mas kilala din sa tawag na Rosenthal Effect bilang pagkilala
sa siyentistang si Robert Rosenthal na unang namuno sa pag-aaral nito. Ang
konseptong ito ay tumutukoy sa sikolohikal na penomeno kung saan ang inaasahan ng
iba patungkol sa kakayahan ng isang tao ay nakaaapekto sa kakayahan ng taong iyon.
“Ang ganitong epekto ay hindi lamang limitado sa mga guro. Ang mga mag-aaral na
naniniwalang magaling ang kanilang guro ay posibleng mas makinig sa kanya, at dahil
dito ay lumalabas na mas epektibo ang gurong nabanggit.”
 MGA SULIRANIN SA
PAG-AARAL
1. Kakulangan sa kalusugan ng mag-aaral
• Malaki ang epekto ng kalusugan sa pag-aaral sa kanyang kakayahang
matuto. Ayon sa mga pag-aaral, ang mga mag-aaral na kulang ang
nakukuhang nutrisyon, o ang mga tinatawag na malnourished, ay
karaniwang nakikitaan ng kahinaan sa pag-aaral. Ang mga batang
malnourished ay nakita sa mga estadistika na mas mahina ang
pagkakaintindi sa pagtutuos at pagbabasa, at mas karaniwan para sa mga
malnourished kaysa sa malulusog na bata na hindi makapasok sa tamang
baitang sa takdang panahon. (Gem Report, 2013)
 MGA SULIRANIN SA
PAG-AARAL
2. Pandaraya sa mga gawaing akademiko
Malaking kasiraan sa pagiging epektibo ng proseso ng pagkatuto ang pandaraya.
• Masasabing mawawalan ng bisa ang proseso ng pagkatuto kapag laganap ang
pandaraya sa paaralan.

Iba pang epekto ng pandaraya sa proseso ng pagkatuto ng mag-aaral:

a. Ang pandaraya ay maaaring makasanayan ng mga mag-aaral.
b. Nakasisira ng kredibilidad o reputasyon ng sistema ng edukasyon sa bansa ang
laganap na pandaraya.
c. Posibleng mapahamak ang lipunan sa mga proyektong gawa ng mga mandaraya.
 MGA PAMAMARAAN AT HAKBANG SA
PAGPAPATAAS NG KALIDAD NG EDUKASYON
• Pagrerebyu ng kurikulum at pagpapataas ng kakayahang propesyunal ng mga guro at pinuno
ng paaralan sa tulong ng National Educators Academy of the Philippines (NEAP).
• Pagpapaigting sa Alternative Learning System (ALS)
• Pagpapatuloy ng pamahalaan ang pagpapatayo ng mga paaralang pang-elementarya sa mga
baranggay at paaralang sekondarya sa ilang mga lugar na may kakulangan sa bansa.
• Pagtatakda ng estruktura sa senior high school ay isa ring paraan upang mas mapaangat ang
kalidad ng edukasyon sa bansa.
• Paglunsad ng Digital Rise Program, ito ay naglalayong bigyan-suporta ang pagpapatupad ng
kasanayan sa impormasyon, media, at teknolohiya na bahagi ng kurikulum ng K to 12.