EL FILIBUSTERISMO

KABANATA 11-13

Inihanda ni:
Marchery M. Alingal
Inihanda para kay:
Gng.Grace Marjorie B. Castillon
EL FILIBUSTERISMO
KABANATA 11: LOS BANYOS
 BUOD
Noo’y ika-31 ng Disyembre. Ang Kapitan
Heneral kasama si Padre Sibyla at Padre Irene ay
naglalaro ng tresilyo sa bahay-aliwan sa Los
Banos.
Nagpatalo ang dalawang kura dahil ang nais
lamang nila na mangyari sa panahon na iyon ay
kausapin si Kapitan tungkol sa paaralan ng
Kastilang balak ng kabataan. Ngunit maraming
iniisip ang Kapitan, kagaya ng papeles ng
pamamahala, pagbibigay-biyaya, pagpapatapon,
at iba pa.
Ang paaralan ay hindi ganoon ka-importante sa
Kapitan. Nagalit naman si Padre Camorra dahil
sa sinadyang pagkatalo ni Padre Irene, at
hinayaang manalo si Kapitan.
Pinalitan naman ni Simoun si Padre Camorra.
Biniro naman ni Padre Irene ang binata na ipusta
ang kanyang mga brilyante. Pumayag naman ito
sapagkat wala namang maipupusta ang kura.
Subalit sinabi ni Simoun na kapag siya ang
nanalo, bibigyan nila siya ng pangako.
Sa kakaibang kondisyon ng binata ay lumapit si
Don Custodio, Padre Fernandez, at Mataas na
Kawani. Tinanong nila ang binata kung para saan
ang kanyang mga hiling. Sinagot naman ng
binata ay para ito sa kalinisan at kapayapaan ng
bayan.
 TAUHAN
1. Kapitan Heneral - siyang pinuno ng Kastila sa
Pilipinas
2. Padre Sibyla - isang paring kasama ng Kapitan
Heneral sa pagsasagawa ng tresilyo
3. Padre Irene - isa pang paring kasama sa larong
tresilyo at naglalayong kausapin si Kapitan tungkol
sa paaralan ng Kastila
4. Padre Camorra - isa pang pari na nagalit dahil
sa pagkatalo ni Padre Irene sa larong tresilyo
5. Simoun - isang misteriyosong lalaki na pumalit kay
Padre Camorra at nagpapatrolya sa kalakaran ng Kastila
6. Don Custodio - isang ginoong nagtanong kay
Simoun tungkol sa kanyang hangarin sa pagpupusta ng
brilyante
7. Padre Fernandez - isang paring kasama ni Don
Custodio at interesado sa hangarin ni Simoun
8. Mataas na Kawani - isang opisyal na nakilala si
Simoun sa pag-akyat sa kapitolyo
 TALASALITAAN

• Tresilyo - sugal na baraha

• Pag-aalipusta - paghamak
• Armas de Salon - sandatang pambulgaw o
pandekorasyon
• Apyan - opyo
• Pag-aalsa - paghihimagsik
• Masusugpo - mapipigil
MAHALAGANG PANGYAYARI
Ang pinakamahalagang pangyayari sa kabanatang
ito ay ang pangangalaga at hangarin ni Simoun para
sa kalinisan at kapayapaan ng bayan, na ipinahayag
niya sa pamamagitan ng kanyang kakaibang
kondisyon sa mga pagpupusta. Ipinapakita rito ang
kanyang layunin na magkaroon ng pagbabago at
pag-unlad sa lipunan, at ang kahandaan niyang
gumawa ng hakbang upang makamit ito.
 ARAL
Pinapakita sa kabanatang ito ang kaugaliang
Pilipino na nasusunod ang lahat ng utos at gusto
ng isang makapangyarihang tao at dapat natin
respetuhin at suyuin ang taong iyon.
EL FILIBUSTERISMO
KABANATA 12: PLACIDO PENITENTE
 BUOD
Si Placido Penitente ay nag-aaral sa Unibersidad
ng Santo Tomas at nasa ikaapat na taon na siya
ng kolehiyo. Ngunit, malungkot ang binata at
nais na niyang tumigil sa pag-aaral.
Pinakiusapan siya ng kanyang ina na kahit
tapusin nalang ang natitira niyang taon sa
eskwelahan. Ang ideyang tumigil sa pag-aaral ay
naisipan ni Penitente dahil sa mga kasamahan
niya sa Tanawan. Siya ang pinakamatalinong
studyante at bantog sa paaralan ni Padre Valerio
noon.
Isang araw nagulat si Penitente nang tinapik siya
ni Juanito Paelez, isang anak ng mayamang
mestisong Kastila.

Kinamusta siya ni Paelez sa bakasyon nito

kasama si Padre Camorra at saka kinuwento
naman ito ng binata.
Tinanong din ni Paelez si Penitente tungkol sa
kanilang leksyon dahil noong araw lamang na
iyon ang unang pagpasok ni Paelez. Niyaya
naman ni Paelez si Penitente na maglakwatsa,
ngunit tumutol naman ito.
 TAUHAN
1. Placido Penitente - isang mag-aaral sa
Unibersidad ng Santo Tomas na nasa ikaapat na
taon ng kolehiyo at may balak na tumigil sa pag-
aaral.
2. Ina ni Placido - nagmamakaawa sa kanyang
anak na tapusin ang natitira niyang taon sa
eskwelahan.
3. Juanito Paelez - anak ng mayamang
mestisong Kastila na kamakailan ay nakipag-
usap kay Placido.
4. Padre Valerio - paring kinilala si Placido
bilang pinakamatalinong studyante sa paaralan.
5. Padre Camorra - paring kasama ni Juanito
Paelez sa kanyang bakasyon.
 TALASALITAAN
•Panghihinawa - pagkasawa
•Bulastog - mayabang
•Puerta - pinto
•Umiibis - bumababa
•Mangilak - manghingi
MAHALAGANG PANGYAYARI
Ang pinakamahalagang pangyayari sa
kabanatang ito ay ang pagtanggi ni Placido
Penitente na sumama sa paglalakwatsa ni Juanito
Paelez. Ipinakita niya ang kanyang
determinasyon na tapusin ang kanyang pag-aaral,
kahit na may mga oportunidad na magpatuloy sa
ibang gawain. Ipinakita rin niya ang kanyang
pagiging responsable at masigasig sa kanyang
mga layunin.
 ARAL
Ang kahalagahan ng edukasyon at determinasyon
sa pag-aaral.
EL FILIBUSTERISMO
KABANATA 13: ANG KLASE SA PISIKA
 BUOD
Ang silid sa pisika ay maluwag at parihaba ang
sukat. Malalaki rin ang mga bintana na mayroong
rehas na bakal. Sa magkabilang panig ng kuwarto
ay mayroong upuang kahoy na aabot sa tatlong
baitang ang taas. Doon umuupo ang mga mag-
aaral na nakaayos batay sa titik ng kanilang
apelyido.
Kahit malaki ang silid, makikita namang wala
itong anumang palamuti. May mga kagamitan at
instrumento para sa pag-aaral sa pisika ngunit
nakasalansan naman sa isang aparador na
nakakandado.
Si Padre Millon ang maestro sa Pisika na tanyag
sa paaralan ng San Juan de Letran. Isa-isa niyang
tinatawag ang mga mag-aaral upang tanungin ng
aralin. Ang magkaibigang Pelaez at Placido ay
nagsesenyasan na magturuan. Inapakan ni Pelaez
ang paa ng kaibigan bilang hudyat ngunit
napasigaw si Placido.
Siya tuloy ang napagbalingan ng inis ng guro at
tinanong. Utal-utal siyang sumagot at nagalit ang
pari at binigyan siya ng mababang marka habang
nakatanggap pa ng lait at mura mula sa pari.
Nainis si Placido at biglang umalis sa klase na
ikinagulat ng lahat.
 TAUHAN
1. Padre Millon - ang maestro sa Pisika sa
paaralan ng San Juan de Letran.
2. Juanito Pelaez - ang kaibigan ni Placido na
nagsesenyas sa kanya na magturuan.
3. Placido Penitente - ang kaibigan ni Pelaez na
nagalit at umalis sa klase matapos mabigyan ng
mababang marka at mura ni Padre Millon.
 TALASALITAAN
• Santisimo - Banal na Sakramento
• Iskoba - Brush
• Ampliacion – mataas na kurso
• Asoge - Mercury o Merkurio
• Pag-aglahi - pang-iinsulto
MAHALAGANG PANGYAYARI
Ang pinakamahalagang pangyayari sa kabanatang
ito ay ang hindi magandang pagtrato ni Padre
Millon kay Placido. Ipinakita dito ang kawalan ng
pag-unawa at pagpapahalaga sa damdamin ng
estudyante, na nagresulta sa pagkawala ng interes
at respeto ni Placido sa kanyang guro. Ang
pangyayaring ito ay nagpapakita ng kahalagahan
ng pagiging maunawain at makatao sa pagtuturo.
 ARAL
• Kung minsan ay lumalabis na sa pagdidisiplina
ang iba. Kahit maganda ang intensyon, kung
hindi maganda ang pamamaraan ay wala rin
itong bisa.
 ARAL
• Dapat natin bigyang halaga ang tunay na
layunin ng mga proyekto o gawain, at hindi
lamang ang pagpapakita ng mabuting imahe sa
iba.