Balitaan

https://www.philstar.com/pilipino-star-ngayon/bansa/
2023/10/06/2301521/walang-taas-presyo-sa-karneng-baboy-
ngayong-kapaskuhan
https://www.philstar.com/pilipino-star-ngayon/metro/
2023/10/01/2300345/p74-milyong-pekeng-huawei-products-
nasabat
Editoryal
• Nagtaas ng P1.90 per liter ang gasoline, P1.50 ang diesel at P2.50
ang kerosene. Ito ang ikaanim na sunud-sunod na pagtataas. Ang
masamang balita, sa susunod na linggo, meron na namang
pagtaas na mangyayari. Ito daw ay dulot ng pagbabawas ng
produksiyon ng Saudi Arabia at maging ng Russia. Dahilan din daw
ang patuloy na giyera sa Ukraine.

• Ang sunud-sunod na oil price hike ang nag-udyok sa transport

groups para humingi ng P2 dagdag pasahe sa dyipni. Mamamatay
raw sa gutom ang pamilya ng mga jeepney driver kung hindi
magkakaroon ng increase. Wala na raw naiuuwing kita ang mga
drayber sa maghapong pamamasada dahil sa mataas na presyo ng
diesel.
• Pinag-aaralan naman ng Land Transportation, Franchising and Regulatory
Board (LTFRB) ang hinihinging dagdag-pasahe sa jeepney.
Makikipagdayalogo umano ang LTFRB sa transport groups. Una nang sinabi
ng LTFRB na bibigyan ng ayuda ang mga drayber ng jeepney at traysikel.

• Ang pinakamasakit ay ang hirit ng mga negosyante na makapagtaas ng

presyo ng kanilang produkto. Hinihiling na maitaas ang presyo ng sardinas,
noodles at pati tinapay. Wala namang sagot ukol dito ang Department of
Trade and Industry (DTI) pero may mga report na may mga tindahan na
nagtaas ng presyo. Ang presyo rin ng bigas, isda at pati gulay ay tumaas na
rin sa ilang palengke.

• Noong nakaraang buwan, nadagdagan ang minimum wage sa Metro Manila

pero sa nangyayari ngayong pagtaas ng bilihin, walang saysay ang dinagdag
sa minimum wage. Nasadlak pang lalo sa hirap ang mahihirap.
• Ang sunud-sunod na oil price hike ang dahilan kaya mataas ang bilihin. May
domino effect. Kapag tumaas ang gas, tataas ang pamasahe at kasunod
ang pagtaas ng mga pangunahing pangangailangan.

• Matagal nang iminumungkahi sa pamahalaan na suspendihin muna ang

excise tax sa petroleum pro­ducts para bumaba ang gasoline, diesel at
kerosene. Nakasaad naman sa TRAIN Law na kapag naging $80 per barrel
ang crude oil, puwede nang itigil ang pangungulekta ng tax sa petrolyo. Sa
kasalukuyan, nasa $81 ang barrel ng crude oil sa world market.

• Nasabi minsan ni President Marcos Jr. na ayaw niyang mahihirapan ang

taumbayan, puwes, ipatigil niya ang paniningil sa excise tax para bumaba
ang presyo ng produktong petrolyo. Walang ibang­apektado ng oil price hike
kundi ang mga mahihirap kaya nararapat na gumawa ng hakbang para
mabawasan ang pasanin—alisin ang tax sa gas.
https://www.philstar.com/pang-masa/punto-mo/
2023/08/17/2289253/editoryal-mahihirap-apektado-sa-pagtaas-ng-gas