Modyul 6: Tula

Kahulugan ng Tula

 Ang tula ay isang halimbawa ng panitikan. Isa itong piraso ng sulat na

naglalaman ng masidhing saloobin. Naglalaman din ito ng malalalim na
kaisipan o maaaring palaisipan. Iba't ibang ideya ang maaring maging buod o
ideya ng tula. At sa bawat huling tunog ng linya nito ay may magkakaparehas
na punto, tunog o tugma.

 Ang panulaan o tula ay isang uri ng sining at panitikan na kilala sa malayang

paggamit ng wika sa iba't ibang anyo at estilo. Pinagyayaman ito sa
pamamagitan ng paggamit ng tayutay. Ang mga likhang panulaan ay tinatawag
na tula. Madaling makilala ang isang tula sapagkat karaniwan itong may
batayan o pattern sa pagbigkas ng mga huling salita.
 Ayon kay Edgar Allan Poe, na kilala sa buong sanlibutan dahil sa pagsulat ng
nakagigimbal na mga maikling kuwento at mga tula. Ayon sa kanya ang tula ay
masasabing ang maaliw-aliw na paglikha ng namumukod na kagandahan.
 Ayon kay Dr. Rufino Alejandro, ang tula ay nangangahulugan ng LIKHA at ang
makata ay tinatawag na MANLILIKHA. Ang tula ay isang pagbabagong hugis sa buhay.
 Ayon kay Amado V. Hernandez, ang tula ay hindi pulos na pangarap at salamisin. Di
pawang halimuyak, silahis,aliw-iw at taginting.
 Ayon kay Plato, ang tula ay lalong malapit sa katotohanan kaysa istorya.
 Ayon kay Alexander Pope, higit na maringal ang katotohanan kung nakadamit sa
tula.
 Ayon kay Alfred Austin, ang tula ay isang tuwirang pagbabagong-hugis sa buhay, na
sa ibang pananalita, ito ay isang maguniguning paglalarawan, na nakakalupkupan ng
kariktan sa
Mga Elemento ng Tula

1.SUKAT
2. SAKNONG
3. TUGMA
4. KARIKTAN
5. TALINHAGA
6. ANYO
7. TONO/INDAYOG
8. PERSONA
9. IMAHE O LARAWANG- DIWA
10.PERSONA
11.SIMBOLISMO
MGA URI NG TULA

1. TULANG LIRIKO O TULANG DAMDAMIN (Lyric poetry)- ito ay nagtataglay ng

mga karanasan, kaisipan, guniguni, pangarap at ibat-ibang damdamin maaaring
madama ng may-akda o ng ibang tao. Ito ay maikli at payak. Ito ay direktang
sinasabi ng mambabasa ang kanyang sariling damdamin, iniisip at persepsyon.
Uri ng Tulang Liriko

 AWIT (DALITSUYO)- Ang karaniwaang pina paksa nito ay may kinalaman sa pag-ibig, kabiguan,
kalungkutan, pag-asa, poot at kaligayahan. Ito rin ay kadalasang binubuo ng tig-aapat na
talutod ang bawat saknong, na ang bawat taludtod ay may labindalawahing pantig, at ang
tradisyonal na dulong ng tugma ay isahanan.
 SONETO (DALITWARI)- Nagtataglay ito ng mga aral sa buhay, karaniwang may labing apat (14)
na taludtod; ang nilalamanay tungkol sa damdamin at kaisipan at may malinaw na kabatiran sa
likas na pagkatao.
 ODA (DALITPURI)- Ito ay pumupuri o dedikado sa mga pambihirang nagawa ng isang tao o
grupo ng mga tao, na kung saan ay kinuha ang interes ng makata, masigla ang nilalaman at
walang katiyakan ang bilang ng bawat taludtod.
 ELEHIYA (DALITLUMBAY)- Ito ay tulang may kinalaman sa guniguni tungkol sa kamatayan.
 DALIT (DALITSAMBA)- Ito ay tulang nagpaparangal sa dakilang lumikha at may kahalong
pilosopiya sa buhay. Karaniwang pang relihiyon, partikular na nakasulat para sa layunin ng
pagpuri, pagsamba o panalangin.
 PASTORAL (DALITBUKID)- Inilalarawan ang tunay na buhay sa bukid.
2. Tulang Pasalaysay

TULANG PASALAYSAY (Narrative poetry)- ito ay naglalahadng makukulay at

mahahahlagang tagpo sa buhay tulad ng pag-ibig, pagkabigo at tagumpay. Nag
lalahad din ito ng katapangan at kagitingan ng mga bayani sa pakikidigma. Ito ay
may balangkas, maaring maikli, o mahaba, at ang mga kwento na may kaugnayan
sa maaaring maging simple o kumplikadong pangyayari.
 Mga Uri ng Tulang Pasalaysay
* EPIKO (TULABUNYI)
* AWIT AT KURIDO
* KARANIWANG TULANG PASALAYSAY
* METRICAL ROMANCE (TULASINTA)
* METRICAL TALE (TULAKANTA)
* BALLAD (TULAGUNAM)
 EPIKO (TULABUNYI)-isang mahabang kwento o tula, kalimitan tungkol sa isang seryosong
paksa na naglalaman ng mga detalye ng kabayanihan gawa at mga kaganapan ng
makabuluhang sa isang kultura o bansa. Isang kilalalang epikong tula ay ang Biag ni Lam-ang.
 AWIT AT KURIDO-ito ay may walong sukat. Ang tulang kurido ay ay kadalasang mga alamat o
kwento na galing sa mga bansa sa Europa. Ito ay tulang pasalaysay. Isa sa tanyag na kurido ay
ang Ibong Adarna. Sa awit naman ay ang florante at laura.
 KARANIWANG TULANG PASALAYSAY- Mga paksa nito ay tungkol sa mga pangyayari sa araw-
araw na buhay.
 METRICAL ROMANCE (TULASINTA)- Wala gaanong banghay at tumutukoy sa
pakikipagsapalaran puno ng hiwaga at kababalaghan.
 METRICAL TALE (TULAKANTA)- Tulang salaysay na naging payak dahil sa pangunahing tauhan
nitong nilalang lamang, namay simpleng kaganapan sa buhay.
 BALLAD (TULAGUNAM)- Ito ay isang awit na isinasaliw noon sa isang sayaw, ngunit nang
kalauna’y nakilala bilang tulang kasaysayan na may wawaluhin o aaniming panting sa isang
paraang payak at tapatan.
3. Tulang Patnigan ( JOUSTIC POETRY )

 3.TULANG PATNIGAN (JOUSTIC POETRY)- Kabilang sa uring ito ang karagatan,

duplo at balagtasan.
 a.BALAGTASAN- Tagisan ito ng talino sa pagbibigkas ng
tula, bilang pangangatwiran sa isang paksang
pagtatalunan.
 b.KARAGATAN- isang laro sa tula o paligsahan sa pagtula na
kabilang sa tinatawag na “libangang itinatanghal” na ang
taglay na pamagat ay nanggaling sa isang alamat ng
singsing ng isang dalaga na nahulog sa karagatan.
 c.DUPLO- Ito ay isang laro sa tula o paligsahan sa husay sa
pagbibigkas at pangangatwiran nang patula, hango ang
pangangatwiran sa bibliya, mga salawikan at mga
kasabihan.
4. Tulang Patanghalan o Padula

 Ito ay karaniwang itinatanghal sa teatro, ito ay patulang ibinibigkas na kung

minsan ay sinasabayan ng ritmo o melodiya ng isang awitin.

a.DRAMATIC MONOLOGUE- Isang tao lamang ang nagsasalita mula sa

simula hanggang sa wakas.
 Maraming Salamat sa
Pakikinig