ARALIN 1:

PAGKAMAMAMAYAN:
KONSEPTO AT KATUTURAN

ALLIANA JOY D. ORTIZ

Guro II, Araling Panlipunan
KONSEPTO AT KATUTURAN
 LEGAL NA PANANAW
POLIS- lungsod-estado; Ito ay
isang lipunan na binubuo ng mga
taong may iisang pagkakakilanlan at
iisang mithiin. Binubuo ng mga citizen
na limitado sa kalalakihan.
Ang pagiging citizen ay isang
pribilehiyo na may kalakip na mga
karapatan at tungkulin.
 LIGAL NA PANANAW

CITIZEN- Ang isang

citizen ay inaasahan na makilahok sa
mga gawain sa polis tulad ng paglahok
sa pampublikong asembliya at
paglilitis. Ito ay maaaring politiko,
administrador, husgado at sundalo.
 Sa kasalukuyan, tinitingnan
natin ang citizenship bilang
isang legal na kalagayan ng
isang indibiduwal sa isang
nasyon-estado.
 Ayon kay Murray Clark Havens (1981),
ang citizenship ay ugnayan ng isang
indibiduwal at ng estado. Ito ay
tumutukoy sa pagiging miyembro ng
isang indibiduwal sa isang estado kung
saan bilang isang citizen, siya ay
ginawaran ng mga karapatan at
tungkulin.
 Ang pagkamamamayan ay
nangangahulugang pagiging kasapi o
miyembro ng isang bansa ayon sa
itinatakda ng batas. Hindi lahat ng
naninirahan sa isang bansa ay
mamamayan nito dahil may mga
dayuhang nakatira dito na maaaring
hindi kasapi nito.
Halimbawa, ang mga dayuhang
naninirahan lamang dito sa ating bansa
upang mag-aral, mamasyal, o
makipagkalakalan, ay hindi maituturing
na Pilipino dahil sila ay mamamayan ng
ibang bansa. Sino ang mamamayang
Pilipino?
 ARTIKULO IV
PAGKAMAMAMAYAN

Ayon sa Artikulo IV, Seksiyon 1 ng Saligang Batas ng

1987, maituturing na mamamayang Pilipino ang

sumusunod:

1. Yaong mamamayan ng Pilipinas sa panahong pinagtibay

ang Saligang Batas ng 1987 noong Pebrero 2, 1987.

2.Ang ama o ina ay mamamayang Pilipino.

 ARTIKULO IV
PAGKAMAMAMAYAN

3.Mga mamamayang isinilang bago sumapit ang

Enero 17, 1973 sa mga inang Pilipino na pinili ang

pagkamamamayang Pilipino pagsapit ng 21 taong

gulang.

4.Mga dayuhang nagpasiyang maging mamamayang

Pilipino ayon sa batas ng naturalisasyon.

 ARTIKULO IV
PAGKAMAMAMAYAN
Seksiyon 2. Ang katutubong inianak na mamamayan

ay yaong mamamayan ng Pilipinas mula pa sa

pagsilang na wala nang kinakailangang gampanang

ano mang hakbangin upang matamo o malubos ang

kanilang pagkamamamayang Pilipino. Yaong mga

nagpasiya na maging mamamayang Pilipino ayon sa

Seksiyon 1, Talataan 3 nito ay dapat ituring na

katutubong inianak na mamamayan.

 ARTIKULO IV
PAGKAMAMAMAYAN
Seksiyon 3. Ang pagkamamamayang Pilipino ay

maaaring mawala o muling matamo sa paraang

itinatadhana ng batas

Seksiyon 4. Mananatiling angkin ang kanilang

pagkamamamayan ng mamamayan ng Pilipinas na

mag-asawa ng mga dayuhan, matangi kung sa

kanilang kagagawan o pagkukulang, sila ay ituturing,

sa ilalim ng batas, na nagtakwil nito.

 ARTIKULO IV
PAGKAMAMAMAYAN
Batay naman sa Republic Act 9225

na nilagdaan ng

Pangulong Gloria Macapagal Arroyo noong

Setyembre 17, 2003ang mga dating

mamamayang Pilipino na naging mamamayan

ng ibang bansa sa pamamagitan ng

naturalisasyon ay maaaring muling maging

mamamayang Pilipino. , Siya ay magkakaroon

 Uri Ng Mamamayang Pilipino
Dalawa ang uri ng mamamayang Pilipino.
1. Likas o Katutubo
2. Naturalisado

Likas o Katutubo
Ang likas na mamamayan ay
anak ng isang Pilipino. Maaaring isa
lamang sa kaniyang mga magulang o
pareho ang Pilipino.
NATURALISADO

Ang naturalisadong Pilipino ay

mga dating dayuhan na naging
mamamayang Pilipino dahil sa proseso
ng naturalisasyon.
NATURALISASYON

Kapag nabigyan na ng
pagkamamamayang Pilipino ang isang dayuhan,
kailangan niyang sumunod sa mga batas at kultura
ng bansa. Matatamasa rin niya ang mga karapatan ng
isang mamamayang Pilipino maliban sa mahalal sa
matataas na posisyon sa pamahalaan ng bansa.
 Mga Katangian ng Isang Dayuhan na nais Maging

Naturalisadong Pilipino
1. Siya ay dalawampu’t isang taong gulang na.

2. Siya ay naninirahan sa Pilipinas nang tuloy-tuloy sa loob ng sampung

taon. Ito ay maaaring maging limang taon na lamang kung:

a. Ipinanganak siya sa Pilipinas;

b. Nakapag-asawa siya ng isang Pilipino;

c. Nakapagturo siya ng dalawang taon sa pribado o pampublikong paaralan; at

 Mga Katangian ng Isang Dayuhan na nais Maging

Naturalisadong Pilipino
d. Mayroon siyang bagong industriya o nakagawa ng
isang bagong imbensyon sa Pilipinas
3. Siya ay may mabuting pagkatao.
4. Naniniwala siya sa Saligang Batas ng Pilipinas.
5. May matatag siyang hanapbuhay at
may ari-arian sa Pilipinas.
 Mga Katangian ng Isang Dayuhan na nais Maging

Naturalisadong Pilipino
6. Nakapagsasalita at nakasusulat siya ng wikang Pilipino.
7.Tinatanggap niya ang kulturang Pilipino.
8. Pinag-aaral niya ang mga anak sa mga paaralang nagtuturo ng
kultura at kasaysayan ng Pilipinas.
 DALAWANG PRINSIPYO NG
PAGKAMAMAMAYAN

JUS SANGUINIS
JUS SOLI O JUS LOCI
 Ang pagkamamamayan  Ang pagkamamamayan ayon
ayon sa relasyon sa dugo. sa lugar ng kapanganakan

NEXT
  Jus Sanguinis- Ang Jus Sanguinis ay ang pagkamamamayan
ayon sa relasyon sa dugo. Ayon dito, ang batang isinilang ay
sumusunod sa pagkamamamayan ng kanyang mga magulang o
ng isa man lang sa kanila. Ang batang isinilang ng isang
Pilipinong magulang ay isang Pilipino kahit na siya’y sa
isinilang
ibang bansa.Kapag isinilang naman sa Pilipinas na ang mga
magulang ay parehong dayuhan , ang pagkamamamayan ng
sanggol ay ibabatay sa pagkamamamayan ng kanyang mga
magulang nila.
 Jus Soli- Ang Jus Soli ay ang pagkamamamayan ayon sa lugar
ng kapanganakan.Ang mga magulang ay walang kinalaman
sa pagkamamamayan ng batang isinilang.Ang halimbawa nito
ay ang batang ipinanganak sa United States. Ang mga
batang
isinilang sa U.S ay kinikilalang mamamayan ng America
BACK anuman ang pagkamamamayn ng mga magulang nila.
 PAGKAWALA NG
PAGKAMAMAMAYANG
PILIPINO
Ang mga sumusunod ay sitwasyon na maaaring maging
dahilan ng pagkawala ng pagkamamamayang Pilipino:
1. Pagtataksil sa Armed Forces of the Philippines sa
oras ng digmaan.
2. Tahasang pagtakwil sa pagkamamamayan.
3. Pagsumpa ng katapatan sa konstitusyon ng ibang bansa.
4. Pagiging naturalisadong mamamayan ng ibang bansa.
5. Pagsisilbi o pagtanggap ng komisyon sa hukbong
ng sandatahan
ibang bansa.
 MULING PAGKAKAMIT NG PAGKAMAMAMAYAN
Ang nawalang pagkamamamayang Pilipino ay
maaaring makamit muli sa pamamagitan ng alinman
sa mga ito:

1.Muling naturalisasyon
2.Pagbabalik sa sariling bansa at pagsumpa ng
katapatan sa Republika ng Pilipinas
3.At tuwirang aksyon ng kongreso
 LUMALAWAK NA PANANAW NG
PAGKAMAMAMAYAN
Patuloy ang paglawak ng konsepto ng
pagkamamamayan sa kasalukuyan.
Tinitingnan ngayon ang pagkamamamayan
hindi lamang bilang isang katayuan sa
lipunan na isinasaan ng estado, bagkus,
maituturing ito bilang pagbubuklod ng tao
para sa ikabubuti ng kanilang lipunan.
 LUMALAWAK NA PANANAW NG
PAGKAMAMAMAYAN
Ang pagkamamamayan ng isang
indibiduwal ay nakabatay sa pagtugon
niya sa kaniyang mga tungkulin sa
lipunan at sa paggamit ng kaniyang
mga karapatan para sa kabutihang
panlahat. Tinitingnan ng indibiduwal
na siya ay bahagi ng isang lipunan
kasama ang ibang tao.
 LUMALAWAK NA PANANAW NG
PAGKAMAMAMAYAN
Ayon sa lumalawak na pananaw
ng pagkamamamayan, igigiit ng isang
mamamayan ang kaniyang mga
karapatan para sa ikabubuti ng bayan.
Kaniyang gagamitin ang pamamaraang
ipinahihintulot ng batas upang
iparating sa kinauukulan ang kaniyang
hinaing at saloobin.
 LUMALAWAK NA PANANAW NG
PAGKAMAMAMAYAN
Ang mamamayan ngayon ay
hindi lamang tagasunod sa mga
ipinag-uutos ng pamahalaan
sapagkat wala namang monopolyo
ang pamahalaan sa mga
patakarang ipinattupad ng estado.
 LUMALAWAK NA PANANAW NG
PAGKAMAMAMAYAN
Kung gayon, hindi niya inaasa
sa pamahalaan ang kapakanan ng
lipunan sa halip, siya ay
nakikipagdayalogo rito upang
bumuo ng isang kolektibong
pananaw at tugon sa mga hamong
kinakaharap ng lipunan.
 Noong Agosto 19, 1939, kaalinsabay ng
pagdiriwang ng ika-61 taon ng kaniyang
kaarawan, nagpalabas ang Pangulong
Manuel L. Quezon ng Atas Tagapagpaganap
Blg. 217 (Executive Order No. 217) ng mga
panuntunang sibiko at etikal- na tinatawag
na Kodigo ng Pagkamamamayan at
Kagandahang Asal- na ituturo sa lahat ng
mga paaralan. Ang mga aral ng nasabing
kodigo ay nananatiling buhay at mahalaga
sa kasalukuyang panahon.
1. Magtiwala ka sa Poong Maykapal na gumagabay sa
kapalaran ng mga tao at mga bansa.

2. Mahalin mo ang iyong bayan sapagkat ito ang iyong tahanan,

pinagmumulan ng iyong pagmamahal at bukal ng iyong
kaligayahan at pagiging tao. Ang pagtatanggol sa bayan ang
pangunahin mong tungkulin. Maging handa sa lahat ng oras na
magpakasakit at ialay ang buhay kung kinakailangan.

3. Igalang mo ang Saligang Batas na nagpapahayag ng

makapangyarihang kalooban. Itinatag ang Saligang Batas para
sa iyong kaligtasan at sariling kapakanan. Sundin ang mga
batas at tiyaking sinusunod ito ng lahat ng mamamayan at
tumutupad sa kanilang tungkulin ang mga pinuno ng bayan.
4. Kusang magbayad ng mga buwis at maging
maluwag sa kalooban ang maagap na pagbabayad
nito. Alalahaning ang pagkamamamayan ay hindi
lamang mga karapatan ang taglay kung hindi
maging mga pananagutan din.

5. Panatilihing malinis ang halalan at sumunod sa

pasya ng nakararami.

6. Mahalin at igalang ang iyong mga magulang.

Paglingkuran mo silang mabuti at pasalamatan.
7. Pahalagahan mo ang iyong karangalan gaya ng
pagpapahalaga mo sa iyong buhay. Ang karalitaang may
dangal ay higit na mahalaga kaysa yamang walang
karangalan.

8. Maging matapat sa pag-iisip at sa gawa. Maging

makatarungan at mapagkawanggawa, ngunit marangal sa
pakikitungo sa kapwa.

9. Mamuhay nang malinis at walang pag-aaksaya. Huwag

maging maluho at mapagkunwari. Maging simple sa
pananamit at kumilos nang maayos.
10. Mamuhay na gaya ng inaasahan sa iyo ng marangal na
tradisyon ng ating lahi. Igalang ang alaala ng ating mga
bayani. Ang kanilang buhay ay halimbawa ng daan tungo sa
tungkulin at karangalan.

11. Maging masipag. Huwag ikatakot o ikahiya ang

pagbabanat ng buto. Ang pagiging masipag ay daan tungo
sa isang matatag na kabuhayan at sa yaman ng bansa.

12. Umasa sa iyong kakayahan sa pag-unlad at kaligayahan.

Huwag agad mawawalan ng pag-asa. Magsikap upang
makamit ang katuparan ng iyong mga layunin.
13. Gampanang maluwag sa kalooban ang iyong mga
tungkulin. Ang gawaing hindi maayos ay higit na masama
sa gawaing hindi tinapos. Huwag ipagpabukas ang gawaing
maaari mong gawin ngayon.

14. Tumulong sa kagalingan ng iyong pamayanan at

palaganapin ang katarungang panlipunan. Hindi ka
nabubuhay na nag-iisa kapiling ang iyong mag-anak
lamang. Bahagi ka ng isang lipunang pinagkakautangan ng
pananagutan.

15. Ugaliin ang pagtangkilik sa sariling atin at sa mga

kalakal na gawa rito sa atin.
16. Gamitin at linangin ang ating likas na
yaman at pangalagaan ito para sa susunod na
salinlahi. Ang mga kayamanang ito ay minana
pa natin sa ating mga ninuno. Huwag mong
gawing kalakal ang iyong pagkamamamayan.